Keden odaǵy bizge básekelestiktiń ne ekenin kórsetti - A. Esimov

ALMATY. 19 jeltoqsan. QazAqparat - Almatyda 2014 jyldan bastap ındýstrııalyq aımaq iske qosylady. Bul týraly búgin Almatyda ótken memlekettik satyp alýǵa arnalǵan keńeste aıtyldy.

«Almaty qalasy jalpy ishki ónimniń 18 paıyzyn, bıýdjettik túsimderdiń 25 paıyzyn qamtamasyz etedi. Ǵylymı jasalymdardyń 47 paıyzy osynda júzege asyrylady. Kelesi jyly iske qosyla bastaıtyn ındýstrııalyq aımaqtyń alǵashqy jobalary irikteldi. Bul jańa, ınnovatsııalyq, zamanaýı óndiris bolmaq», - dedi óz sózinde qala ákimi Ahmetjan Esimov. Onyń aıtýynsha, Keden odaǵy básekelestiktiń ne ekenin kórsetti. Sondyqtan memlekettik satyp alýdaǵy qazaqstandyq mazmundy ulǵaıtý jumysy halyqaralyq tártip pen tájirıbege qaıshy kelmeıtindeı jaǵdaıda jalǵastyrylýy kerek. Óndirisshiler Keden odaǵy qurylǵannan keıin básekelestikti aıqyn sezine bastady. Kóptegen kásiporyndardyń ónimi suranysqa ıe bolmaı qaldy. Sondyqtan «Samuryq-Qazyna» ulttyq ál-aýqat qory» AQ-na qarasty kompanııalardyń taýarlary men qyzmet túrlerin memlekettik satyp alýlarda tıimdi paıdalaný qajet.