Keden odaǵy aıasynda temir jol salasyndaǵy qaýipsizdik boıynsha tehnıkalyq reglamentter qabyldandy

Bul jaıynda búgin Astanada atalǵan máselege baılanysty ótken baspasóz máslıhatynda málim boldy.

Kólik jáne kommýnıkatsııa mınıstrliginiń bas sarapshysy Tólegen Ospanovtyń sózine qaraǵanda, atalǵan tehnıkalyq reglamentter jolaýshylar qaýipsizdigin qamtamasyz etýge jáne jyljymaly quramnyń bólshekterin sertıfıkattaýǵa negizdelip otyr.

«Keden odaǵyna kiretin úsh memlekette osyndaı sertıfıkattar bolmaǵan jaǵdaıda, onda bul bólshekter KO ishinde engizilmeıdi»,-dedi ol.

Aıtap aıtqanda, bul sertıfıkattardy tirkelgen tıisti mekemeler beretin bolady, sondaı-aq Qazaqstan tarapynan berilgen sertıfıkattar KO aıasynda, ıaǵnı Reseı men Belarýs memleketterinde tarala beredi.

Bul reglamentter «Temir joldyń jyljymaly quramynyń qaýipsizdigi týraly», «Temir jol kóliginiń ınfraqurylymynyń qaýipsizdigi týraly», sondaı-aq «Joǵary jyldamdyqty temir jol kóliginiń qaipsizdigi týraly» úsh baǵytqa negizdelip otyr.

Atalǵan tehnıkalyq reglametterdi ázirleý kezinde Eýropa odaǵynyń dırektıvasynda kórsetilgen jekelegen erejeler qoldanyldy. Keden odaǵy aıasynda osy tehnıkalyq talaptar bul saladaǵy kásipkerlik qyzmetti yntalandyrý, qaipsizdik salasynda KO-ǵa múshe memleketterdiń normatıvtik-quqyqtyq qujattarynda talaptardy belgileý jóninde qadamdardy jaqyndatýǵa, sonymen qatar ekonomıkalyq jáne ınvestıtsııalyq ahýaldy jaqsartý men qolaıly ınnovatsııalyq orta qurýǵa arnalǵan.

Aıta keteıik, bul reglamentter aǵymdaǵy jyldyń 15 shildesinde qabyldandy. Eskerip óter jáıt, bul tehnıkalyq reglametter 2014 jyldyń basynan bastap iske qosylady. Sebebi, aldaǵy jyldar ishinde temir jol salasynda 320-ǵa jýyq qoldaýshy standarttar ázirlenip, qabyldanady.