Keden odaǵy aıasynda Qazaqstannyń Reseımen syrtqy saýda aınalymy 8,5 mlrd. AQSh dollaryn qurady - J. Aıtjanova
/em>Qazannyń 12-si. QazAqparat /Rýslan Ǵabbasov/ - Keden odaǵy aıasynda Qazaqstannyń Reseımen syrtqy saýda aınalymy 8,5 mlrd. AQSh dollaryn qurady.
Bul týraly búgin Úkimet otyrysynda aǵymdaǵy jyldyń 9 aıynyń qorytyndysy boıynsha baıandama jasaǵan Ekonomıkalyq damý jáne saýda mınıstri Janar Aıtjanova málim etti.
«Biryńǵaı kedendik aýmaqtyń qalyptasýyna baılanysty aǵymdaǵy jyldyń 8 aıynda Qazaqstannyń Reseımen syrtqy saýda aınalymy 8,5 mlrd. AQSh dollaryn, al Belarýspen 0,3 mlrd. AQSh dollaryn qurady. Bul kórsetkish 2009 jyldyń sáıkes kezeńimen salystyrǵanda Reseımen 11,8 jáne Belarýspen 5,6 paıyzǵa artqandyǵyn bildiredi», - dedi J. Aıtjanova.
Mınıstrdiń sózine qaraǵanda, Qazaqstannyń Reseıge eksporttaǵan taýarlary qundyq ólshemde 42,2 paıyzǵa, natýraldyq ólshemde 14,9 paıyzǵa ósip otyr. «Belarýs Respýblıkasyna eksporttalǵan taýarlar qúndyq ólshemde 25,9 paıyzǵa, al natýraldyq ólshemde 22,4 paıyzǵa artty», - dedi mınıstr.
