Keden odaǵy aıasynda Qazaqstannyń avtokólik salasy esh utylmaıdy - Májilis depýtaty A. Momyshev
ASTANA. Maýsymnyń 2-si. QazAqparat /Qanat Mámetqazyuly/ - Keden odaǵy aıasynda Qazaqstannyń avtokólik salasy esh utylmaıdy. Búgin QR Parlamenti Májilisinde Qazaqstannyń Kásipodaqtar Federatsııasynyń kezekti HHІІ sezine qatysýshylar delegatsııasymen kezdesý barysynda kásipodaq ókilderiniń saýalyna jaýap bergen Májilis depýtaty Amangeldi Momyshev osylaı málim etti,
dep habarlaıdy QazAqparat.
Júzdesý barysynda «QR Avıatsııa qyzmetkerleri kásipodaq federatsııasy» odaǵynyń tóraǵasy Shmıdt Sabyrov Keden odaǵyna baılanysty avto jáne avıatsııa salasyndaǵy máseleni kótergen bolatyn. «Reseı óziniń avıa jáne avto ónerkásibin qorǵaı otyryp, bul tehnıkalardy ákelý úshin qolaıly kedendik bajdardy saqtap qaldy. Al Qazaqstanda avıa-avto ónerkásip damymaǵan. Sondyqtan da, bizdiń úlesimizge úlken salyqtar tııýi múmkin. Bul máseleniń kúrmeýi bolashaqta qalaı bolar eken?» dedi Sh. Sabyrov.
Óz kezeginde kásipodaq ókiliniń saýalyna jaýap bergen depýtat Valerıı Doskalov búgingi kúni Keden odaǵy máselesine qatysty barlyq máseleler rettelgenin, al 2011 jylǵa qaraı avıaónerkásip salasynda barlyq bólshekter elimizge nóldik stavkamen jetkiziletinin aıtty.
«Al avtokólik ónerkásibinde kedendik bajdar 2011 jylǵa qaraı úsh esege deıin tómendeıdi», dedi V. Doskalov.
Sonymen birge, depýtat Amangeldi Momyshev Keden odaǵyna qatysty Qazaqstannyń avtokólik salasynda esh utylys oryn almaıtynyn alǵa tartady.
«Bizdiń bilýimizshe, kedendik rásimdeýdiń barlyǵy Qazaqstanda júrgiziledi. Onyń ústine elimizge Qytaıdan, basqa da alys-jaqyn shetelden keletin bólshekterge nóldik, ne bolmasa nólge jaqyn stavkalar bolýy qarastyrylady. Sondyqtan Qazaqstannyń avtokólik salasynda esh utylys bolmaıdy», dedi A. Momyshev.
