Keden odaǵy aıasynda Qazaqstanǵa eń bastysy óz taýarlarymyzdyń básekege qabilettiligin arttyrý bolyp tabylady - K. Másimov

ASTANA.  Jeltoqsannyń 14-i. QazAqparat /Qanat Mámetqazyuly/ -  Keden odaǵy aıasynda Qazaqstanǵa eń bastysy óz taýarlarymyzdyń básekege qabilettiligin arttyrý bolyp tabylady. Búgin   agroónerkásip keshenin damytý jónindegi respýblıkalyq keńeste sóz sóılegen Úkimet basshysy Kárim Másimov osylaı málim etti,

dep habarlaıdy QazAqparat.

«Qarashanyń 27-sinde Mınskide úsh Memlekettiń basshysy Keden odaǵyn qurý týraly kelisimge qol qoıdy. Kelesi jylǵy shildeniń 1-inen bastap Odaq aıasynda kedendik shekara bolmaıdy. Bul bir jaǵynan elimizdiń taýar óndirýshilerine shekara mańyndaǵy jaqyn aýdandarǵa óz taýarlaryn eksporttaýǵa úlken múmkindik týdyrady. Ekinshi jaǵynan, Keden odaǵy aıasyndaǵy bizdiń áriptesterimizdiń týar óndirýshilerine de osyndaı múmkindik keńinen bolady. Sondyqtan da bul baǵytta bizge eń qajetti óz taýarlarymyzdyń básekege qabilettiligin arttyrý bolyp otyr», dedi K. Másimov.

Premer-Mınıstrdiń aıtýynsha, osy maqsatta memlekettiń, úkimet pen barlyq memlekettik  organ qyzmetkerleriniń basty mindeti men róli taýar óndirýshilerge járdemdesip, qazaqstandyq taýar baǵasyn tómendetý bolyp tabylady.