Keden odaǵy aıasynda Qazaqstan ushaqtarǵa arnalǵan bajdar boıynsha ótpeli kezeń engizý týraly máselede progreske qol jetkizdi
aýsymnyń 1-i. QazAqparat /Ernur Aqanbaı / - Keden odaǵy aıasynda Reseımen júrgizilgen kelissózderdiń nátıjesinde, Qazaqstan ushaqtarǵa arnalǵan bajdar boıynsha ótpeli kezeń engizý týraly máselede progreske qol jetkizdi.
Bul týraly búgin Úkimet otyrysynda Premer-Mınıstr Kárim Másimov málim etti, dep habarlaıdy QazAqparat.
Úkimet basshysynyń aıtýynsha, qazirgi ýaqytta Keden odaǵynda 20 paıyz mólsherindegi stavka qoldanylady. Qazaqstannyń ekonomıkalyq múddesin eskere otyryp, Qazaqstanǵa ótpeli kezeń berý boıynsha kelissózder bastaldy, bul kezeńde ushaqtarǵa arnalǵan baj stavkalary 0-ge teń keletin bolady.
Premer-Mınıstr mamyrdyń 28-inde Sankt-Peterborda Reseı Úkimetiniń basshysy Vladımır Pýtınmen kezdesýi barysynda prıntsıpti kelisimderge qol jetkizilgenin, endi ótpeli kezeńniń merzimin aıqyndaý ǵana qalǵanyn atap kórsetti. «Qazirgi ýaqytta taraptardyń tehnıkalyq sarapshylary bul merzimdi qazaqstandyq tasymaldaýshylardyń qajettilikteri men Reseıdiń avıaóndirýshileriniń múmkindikterin eskere otyryp aıqyndaıdy. Men bul másele 1 aıdyń ishinde sheshiledi dep kútemin», dedi K. Másimov.
