Keden odaǵy aıasynda biryńǵaı yqpaldastyrylǵan aqparattyq júıe qurylady
ANA. 25 aqpan. QazAqparat /Marlan Jıembaı/ - Qazirgi ýaqytta Keden odaǵy aıasynda aqparattyq ózara árekettesý jáne statıstıka salasyndaǵy yqpaldastyrylǵan aqparattyq júıe qurylýda.
Bul týraly elordada ótken «Keden odaǵy: birinshi jyl qorytyndylary. BEK jolynda» atty halyqaralyq konferentsııa barysynda QR Ekonomıkalyq damý jáne saýda vıtse-mınıstri Tımýr Súleımenov aıtty.
Onyń atap ótýinshe, elimiz Keden odaǵynyń qurylýynan meılinshe mol paıda kórýge jáne barynsha joǵary dıvıdentter alýǵa zor mańyz beredi. Osyǵan oraı ıdýstrııalyq-ınnovatsııalyq damý memlekettik baǵdarlamasy qabyldanyp otyr.
«Biz tarıftik jáne tarıftik emes kedergiler bar biryńǵaı kedendik aýmaqty birjaqty túsinemiz jáne úsh eldiń kásiporyndary básekelestikti kúsheıtýi kerek. Bul oń qubylys, óıtkeni biz jahandyq aýqymdaǵy básekege qabiletti bolýymyz kerek», - dedi T.Súleımenov.
