Keden odaǵy aıasynda aýylsharýashylyǵy jabdyqtarynyń lızıngi boıynsha ınvestıtsııalyq preferentsııalardy usyný mehanızmin ózgertý qajet
Ol bul usynysyn Úkimettiń búgingi selektorlyq keńesinde aıtty, dep habarlaıdy QazAqparat.
Onyń aıtýynsha, Keden odaǵynyń Keden kodeksi boıynsha jańa kedendik bajdardyń engizilýine baılanysty elimizde birqatar aýylsharýashylyǵy jabdyqtary boıynsha kedendik bajdar ulǵaıtylyp otyr. Qosymsha qun salyǵy salyna bastaǵan. Al, Investıtsııalar týraly zańnyń talaptaryna sáıkes, ınvestıtsııalyq preferentsııalardy tek qana ınvestıtsııalyq jobalardyń bastamashylary ǵana ala alady. Bular jeke kompanııalar. «Bizdegi kóptegen ınvestıtsııalyq jobalardyń qurylymynda qarjylyq lızıng bar. Býhgalterlik esep týraly zańǵa jáne Lızıng týraly zańǵa sáıkes, bul jabdyqtar lızıng berýshiniń, ıańǵı qarjylandyratyn uıymnyń balansyna qoıyldy. Ol tek ótelgennen keıin ǵana onyń balansyna ótedi. Osyǵan baılanysty biz ınvestıtsııalyq preferentsııalardy esh paıdalana almaı otyrmyz. Qaryz alýshylarda qosymsha kepildiń joqtyǵyna baılanysty qarjylandyrý qurylymyn nesıleýge ózgertý esh múmkin emes. Sondyqtan da ındýstrııalandyrý jobalary boıynsha qarjylyq lızıngti berý maqsatynda lızıng berýshiniń ımporttaıtyn múlkin bosatý jónindegi tetikti ázirlep, engizý qarastyrylyp otyr», dedi A. Mamytbekov.
