Keden odaǵy aýmaǵynyń jumys isteý rejıminen ýaqytsha alýlar týraly zań qabyldandy
ASTANA. 3 naýryz. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «Keden odaǵy biryńǵaı keden aýmaǵynyń jumys isteý rejımin jekelegen ýaqytsha alýlar týraly hattamany ratıfıkatsııalaý týraly» zańy qabyldandy.
Atalǵan hattamaǵa Astanada 2010 jylǵy 5 shildede qol qoıylǵan bolatyn. Hattama biryńǵaı keden aýmaǵy rejıminen ýaqytsha alyp tastaýlardy jáne erekshe sharttardy bekitýdi qarastyrady. Atap aıtqanda, qujatta jeke tulǵalar jeke paıdalanýǵa arnalǵan jeńil avtokólikterin ákelý kezinde ýaqytsha jeńildetilgen kedendik baj stavkalaryn qoldaný kózdelip otyr.
«Qazaqstan men Belarýs respýblıkalary 2011 jylǵy 1 shildege deıin jeke tulǵalar ákeletin jeńil avtokólikterge qatysty ýaqytsha jeńildetilgen kedendik baj stavkalaryn qoldanyp otyr. Sondaı-aq qorǵaý, dempıngke qarsy jáne ótemaqy sharalary, ártúrli saýda rejımderi qoldanylatyn atýarlar ımportyna kedendik deklaratsııalaýdy qoldaný da kózdelgen. Budan bólek, biryńǵaı tarıftik stavkalar boıynsha kelissózder sheńberinde Qazaqstan sezimtal taýarlar boıynsha biryńǵaı kedendik tarıfke 409 taýar pozıtsııasy boıynsha ótpeli kezeń alý týraly kelisimge kelgen bolatyn», - dedi zań jobasy boıynsha baıandaǵan Ekonomıkalyq damý jáne saýda vıtse-mınıstri Marat Qusaıynov.
Parlament qabyldaǵan zań Memleket basshysynyń qol qoıýyna jiberiledi.
