15:18, 17 Maýsym 2012 | GMT +6
Keden odaǵy aýmaǵyna kólikpen taýar ákelgende aldyn ala aqparat berý sheshimi kúshine endi
ASTANA. 17 maýsym. QazAqparat - Búginnen bastap Keden odaǵy komıssııasynyń № 899 «Avomobıl kólikterimen Keden odaǵynyń kedendik aýmaǵyna ákelinetin taýarlar týraly mindetti aldyn ala aqparat berý engizý týraly» sheshimi kúshine endi.
Bul aqparatty QR Qarjy mıınstrligi Kedendik baqylaý komıtetiniń baspasóz qyzmeti taratyp otyr.
Atalǵan sheshim tasymaldaýshynyń nemese basqa da múddeli tulǵalardyń tasymaldaıtyn taýarlary týraly aldyn ala aqparatty mindetti túrde usynýdy aıqyndaıdy. Avtomobıl kólikterimen tasymaldanatyn taýarlarǵa qatysty aqparattar Keden odaǵynyń kedendik aýmaǵyna kirgizilgenge deıin keminde 2 saǵattyń ishinde ótkizý beketi ornalasqan aýmaqtaǵy keden organyna mindetti túrde usynylýy kerek.
Qazaqstannyń kedendik qyzmeti aldyn ala aqparattardy QR keden organdarynyń pi.customs.kz veb-portaly arqyly júzege asyrady. Portalda tirkelý jáne tıisti qyzmetter syrtqy ekonomıkaǵa qatysty kez kelgen azamatqa tegin usynylady.
