Keden qyzmetiniń burynǵy basshysy Adamqul Júnisovke izdeý jarııalandy

  ASTANA. QazAqparat - Qyrǵyzstan memlekettik keden qyzmetiniń burynǵy basshysy Adamqul Júnisovke izdeý jarııalandy. Bul týraly Ekonomıkalyq qyzmetke qarsy is-qımyl memlekettik qyzmeti málim etti.

Aqparatqa sáıkes, oǵan 2018 jyldyń 28 tamyzynda «Qyzmettik laýazymyn asyra paıdalaný» aıyby taǵylyp, izdeý salyndy.

Júnisov 2013-2016 jyldary Memlekettik keden qyzmetiniń tóraǵasy qyzmetin atqardy. Júnisov jaýapty tulǵa bola otyryp, «A.» jaýapkershiligi shekteýli seriktestigi ókilderimen jáne basqa da uıymdardyń jaýapty tulǵalarymen jemqorlyq baılanys uıymdastyrǵan.

2018 jyldyń 18 tamyzynda Júnisovke syrttaı Qyrǵyzstan Respýblıkasy Qylmystyq kodeksiniń 304-babynda qarastyrylǵan qylmys jasady degen aıyp taǵylyp, 2018 jyldyń 28 tamyzynda Bishkek qalasy Pervomaı aýdandyq sotynyń úkimimen syrttaı qamaýǵa alý túrindegi bultartpaý sharasyn sanktsııalady.  

Foto: www.eurasiancommission.org