Keden komıtetiniń burynǵy jáne qazirgi basshylyǵy jedel izdestirý jumystaryn sátsizdikke ushyratty
Búgin Aqordada Elbasy Nursultan Nazarbaevtyń QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy, azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótkizgen keńesinde QR Bas prokýrory Ashat Daýylbaev osylaı dedi.
Onyń atap ótýinshe, 8 jyl buryn kedenge zańnamamen jedel izdestirý ókilettigi berilgen. «Ýaqyt Keden komıtetiniń burynǵy jáne qazirgi basshylyǵy bul jumystardy sátsizdikke ushyratqanyn kórsetti», - dedi ol.
Bas prokýrordyń alǵa tartqan derekterine qaraǵanda, ótken jyly shamamen 20 arnaıy is-shara júrgizilgen. «Dál osymen keden qyzmetkerlerin uıymdasqan qylmystyq toptardyń múshelerimen bite qaınasyp ketkendigin túsindirýge bolady. Oǵan «Qorǵas» kedeni de aıqyn dálel»,- dedi A.Daýylbaev.
