Keden qyzmetiniń qadaǵalaý fýnktsııasyn keńeıtýge Bas prokýratýra qarsy bolyp otyr — Jumanǵarın

ASTANA. KAZINFORM — Májilis depýtaty Abzal Quspan Premer-mınıstrdiń orynbasary — Ulttyq ekonomıka mınıstri Serik Jumanǵarınnen keden qyzmetiniń quqyqtyq quzyretin keńeıtip, baqylaý, qadaǵalaý fýnktsııalaryn kúsheıtý týraly usynysqa Úkimettiń ustanymy qandaı ekenin surady.

— Bul — óte kúrdeli másele. Salyq kodeksiniń jobasyn daıyndaǵanda ondaı usynystardy engizgenbiz. Biraq Bas prokýratýra ol usynystardy ázirge qoldaǵan joq. Árıne, ondaı usynystar bizde daıyn. Sebebi baqylaý, qadaǵalaý fýnktsııasyn arttyrý kerek, — dedi vıtse-premer.

Sondaı-aq, ol qazir salyq organdarynyń negizgi fýnktsııasy tek salyqty jınaýmen ǵana shektelip qalǵanyn aıtty.

— Óte qıyn, fýnktsııa joq. Qazirgi tańda Saýda komıtetiniń jaǵynan biraz talaptar bar. Biraq onyń oryndalýy óte qıyn. Sebebi teksere almaısyń. Ákimshilik kodekske de osy turǵydan ózgerister daıyndaǵanbyz, daıyn tur. Josparymyzda kelesi jylda osy ózgeristerdi engizý máselesi bar, — dedi serik Jumanǵarın.

Buǵan deıin Premer-mınıstr Oljas Bektenov Májilis depýtaty Abzal Quspannyń keden qyzmetin derbes organ retinde qalpyna keltirý týraly saýalyna bergen jaýabynda atalǵan usynysty qoldaıtynyn aıtqan edi.