Keden qyzmetine quqyq qorǵaý organynyń fýnktsııalaryn berý qajet — Bektenov

ASTANA. KAZINFORM — Bul týraly Premer-mınıstr Oljas Bektenov Májilis depýtaty Abzal Quspannyń keden qyzmetin derbes organ retinde qalpyna keltirý týraly saýalyna bergen jaýabynda málim etti.

— Júk tasymaly kóleminiń artýymen birge sanktsııa salynǵan taýarlardyń, qosarlanǵan maqsattaǵy taýarlardy, kontrabandany ótkizýdiń, jalǵan deklaratsııalaýdyń jáne ózge de zań buzýshylyqtardyń qaýip-qateri de arta túsedi. Eldiń ekonomıkalyq jáne ulttyq qaýipsizdigin qorǵaý, sondaı-aq qazirgi zamanǵy qaýip-qaterlerge qarsy is-qımyl úshin keden qyzmetiniń fýnktsııalaryn qaıta qaraý, onyń ishinde oǵan quqyq qorǵaý organynyń fýnktsııalaryn berý qajet bolyp otyr. Degenmen kóterilip otyrǵan máseleni sheshý kezinde keden qyzmetine quqyq qorǵaý organy mártebesin berý jáne oǵan taýarlardyń, qarý-jaraq pen esirtkiniń kontrabandasyna qatysty sotqa deıingi tergeý júrgizý quqyǵyn berý Qarjylyq monıtorıng agenttigi men Ulttyq qaýipsizdik komıtetiniń qazirgi qurylymdyq bólimsheleriniń qyzmetin qaıtalaýǵa alyp keletinin eskergen jón, — dep jazylǵan Premer-mınıstrdiń jaýabynda.

Eske salsaq, Májilis depýtaty Abzal Quspan Premer-mınıstr Oljas Bektenovtiń atyna keden qyzmetindegi problemalar týraly saýal joldap, keden qyzmetin Qarjy mınıstrliginen derbes organ retinde qalpyna keltirýdi usynǵan bolatyn.