Keden qyzmeti salyq tóleýshilerge 375 mln teńgeniń salyǵyn negizsiz ótegen
ASTANA. KAZINFORM – Joǵary aýdıtorlyq palata (JAP) salyq jáne kedendik ákimshilendirýdiń tıimdiligine júrgizilgen memlekettik aýdıt aıaqtalǵanyn habarlady.
JAP qorytyndysyna súıensek, salyq júıesinde tekserýler men qosymsha túsimder kóbeıgenine qaramastan tıimsiz jumystan habar beretin faktiler kóp. Mysaly, qosymsha esepteýlerdiń 70%-y keshendi tekserýlerden keıin anyqtalyp kelgen.
- Táýekeli joǵary dep iriktelgen 900-den astam kásiporyndy tekserý kezinde tek 46 mlrd teńge qosymsha eseptelgen. Іrikteýdi avtomattandyrý júıesi jetkilikti dárejede tıimdi emes. 2024 jylǵy І jartyjyldyqqa arnalǵan jospardan salyq tóleýshilerdiń 61%-y, II jartyjyldyqqa arnalǵan jospardan 97%-y alynyp tastalǵan, - dep jazady palatanyń baspasóz qyzmeti.
JAP mamandary kedendegi tekserýler boıynsha da tıimdilik tómendegen.
- 2024 jyly Túrkııadan kıim-keshek ákeletin alty iri ımporttaýshy $145 mln-ǵa taýar ákelgen. Olar EAEO elderinde berilgen 150 sertıfıkatty usynǵan, alaıda onyń 104-i resmı tizilimderde tirkelmegen. Bul naryqqa jalǵan taýar ákelý táýekeli bar ekenin kórsetedi jáne halyq densaýlyǵyna qaýip tóndiredi. Esepti kezeńde tek 33 kompanııaǵa 35 habarlama men talap jiberilgen. Sonyń nebári altaýy nátıje bergen. Olar boıynsha 643 mln teńge óndirildi. Bul 249 iri salyq tóleýshiden túsetin jalpy salyq túsimderiniń 0,01%-yn ǵana quraıdy. ıAǵnı monıtorıng jumysy júıeleýdi qajet etedi. 2024 jyly 420 mlrd teńge qosylǵan qun salyǵy ýaqytyly qaıtarylmaǵan. Bul shamamen 5 mlrd teńgege jýyq ósimpul esepteý qaýpin týdyrady. Sondaı-aq 375 mln teńge kóleminde negizsiz QQS qaıtarý faktileri anyqtaldy, - dep jazady JAP ókilderi.
Buǵan deıin májilis tórinde keden qyzmetiniń qadaǵalaý fýnktsııasyn keńeıtýge Bas prokýratýra qarsy bolyp otyrǵany aıtylǵan edi.