Keden ınspektory qytaı týrısterinen aqsha jınap, túrmeden bir-aq shyqty
ASTANA. QazAqparat - RF Prımore ólkesindegi aýdandyq shekara soty otanyna jemis alyp ótpek bolǵan qytaı týrısterinen salyq talap etken burynǵy keden ınspektoryn kolonııaǵa jiberdi.
Qıyr Shyǵys kólik prokýratýrasy baspasóz qyzmetiniń málimetinshe, Ýssýrıı keden beketiniń ınspektory shekaradan jemis-jıdek alyp ótkender eshqandaı alym-salyq tóleýge tıis bolmasa da, olardan júıeli túrde aqsha alyp turǵan.
Týrıster quqyq qorǵaý organdaryna shaǵymdanǵan. Kezekti aqsha alý kezinde kedenshi ustaldy.
Sot ony RF QK 30 babynyń 3 bólimi, 159 babynyń 3 bóliminde qarastyrylǵan (qyzmettik jaǵdaıyn paıdalana otyryp, alaıaqtyq jasaý) qylmystyq áreketke barǵany úshin kináli dep tanydy.
Inspektor eki jylǵa bas bostandyǵynan aıyrylyp, jazasyn jalpy rejimdegi kolonııada óteıtin bolady. Budan ózge ol 30 myń rýbl aıyppul tóleıdi.
