Keden beketterindegi «qyzyl túıme» arqyly qansha ótinim tústi
ASTANA. KAZINFORM – Memlekettik kirister komıteti «qyzyl túıme» men kedendik rásimdeý ortalyqtarynyń jumysy jaıynda málimet berdi.
Vedomstvo málimetinshe, servıs iske qosylǵan sátten 2025 jyldyń 27 tamyzǵa deıin keden qyzmetteri boıynsha 47 ótinim túsken. Ortasha eseppen alǵanda aptasyna 2-3 ótinim túsip turady.
«Qyzyl túıme» kómegimen QR-kodty skanerleý arqyly azamattar men syrtqy ekonomıkalyq qyzmetke qatysýshylar týyndaǵan másele boıynsha MKK tóraǵasyna tikeleı júginý múmkindigine ıe.
Ótinimdi berý formasy qarapaıym ári túsinikti, ony birneshe mınýt ishinde toltyrýǵa bolady. Qalaýyńyz boıynsha ótinimdi anonımdi túrde joldaýǵa múmkindik bar.
- Bul qural keden qyzmetterin alý kezinde týyndaıtyn qıyndyqtarǵa jedel áreket etýge jáne qyzmetkerler tarapynan ádepsiz minez-qulyqtyń aldyn alýǵa baǵyttalǵan, - dep atap ótedi Memlekettik kirister komıtetinen.
Buǵan deıin Úkimet basshysy Oljas Bektenov keden qyzmetine quqyq qorǵaý organynyń fýnktsııalaryn berý qajettigin aıtqan edi.