Keden beketterindegi kameralar Astanadaǵy monıtorıng ortalyǵyna tikeleı qosylady
ASTANA. KAZINFORM – Shekaradaǵy ótkizý pýnktterindegi baqylaý kameralary Astanadaǵy Biryńǵaı monıtorıng ortalyǵyna tikeleı qosylady. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
— Shekara jáne keden beketterinde ınternetke qol jetkizýge qatysty, búginde elimizde 102 ótkizý pýnkti jumys isteıdi. Olardyń kópshiligi baılanyspen qamtamasyz etilgen. «Qoljetimdi ınternet» ulttyq jobasynyń sheńberinde 38-ine talshyqty-optıkalyq baılanys jelilerin júrgizý, barlyq pýnktterdi Memlekettik organdardyń biryńǵaı kólik jelisine qosý, sondaı aq baqylaý kameralaryn pýnktterden Astanadaǵy Biryńǵaı monıtorıng ortalyǵyna shyǵarýdy qamtamasyz etý josparlanyp otyr, — dedi ol Úkimet otyrysynda jasaǵan baıandamasynda.
Sondaı-aq ol 50 ótkizý pýnktin uıaly baılanyspen qamtamasyz etiletinin aıtty.
— Sonymen qatar, spýtnıktik ınternetti qosa alǵanda, qoǵamdyq WiFi núktelerin ornalastyrý josparlanyp otyr. Al 2026 jyly 50 ótkizý pýnktin uıaly baılanyspen qamtamasyz etý shekaradaǵy tsıfrlyq ınfraqurylymdy aıtarlyqtaı kúsheıtedi, — dedi mınıstr.
Aıta keteıik, kúni keshe Memleket basshysy Jolaýda keıbir shekara jáne keden beketinde sapaly ınternet joǵyn aıtyp, bul salany synǵa alǵan edi.