Keden beketiniń mamandary kalıanǵa tabakty zańsyz ákelýge yqpal etken - Túrkistan oblysy

TÚRKІSTAN. QazAqparat - Qarjylyq monıtorıng agenttiginiń Túrkistan oblysy boıynsha aýmaqtyq departamentiniń qyzmetkerleri shekarada Ózbekstan Respýblıkasynan kalıanǵa arnalǵan tabakty zańsyz ákelý faktisiniń jolyn kesti. Sot úkimi boıynsha kináliler – «Qaplanbek» keden beketiniń 5 mamany ártúrli merzimge sottaldy, dep habarlaıdy QazAqparat QR QMA baspasóz qyzmetine silteme jasap.

Ózbekstan Respýblıkasynan Qazaqstan aýmaǵyna jalpy salmaǵy 23 985 kg, jalpy somasy 59 596 729 teńgege «SERBETLI» kalıanyna tabakty zańsyz ákelýge laýazymdy tulǵalar ózderiniń qyzmettik mansabyn asa paıdalana otyryp yqpal etti.

Túrkistan qalasy sotynyń úkimimen «Qaplanbek» keden beketiniń mamandary Q. Muzdybaev, B.Nurbaev, M. Kúmis, B. Álıev 3 jyl 6 aıǵa, N. Isaev 4 jylǵa bas bostandyǵynan aıyryldy.