QDT-ny qolpashtaǵan kez kelgen pikir ekstremıstik uıymdy qoldaý bolyp sanalady - Bas prokrýtara
«QR Qylmystyq kodeksinde ekstremıstik áreket úshin qarastyrylǵan baptar týraly aıta ketkim keledi. Bul - Qylmystyq kodekstiń 182, 405 jáne 258-baptary. Atalǵan baptardyń barlyǵy da aýyr jáne asa aýyr qylmystarǵa jatady. 405-bap sotpen tyıym salynǵannan keıin ekstremıstik uıym qurý men oǵan qatysý; 258-bap ekstremıstik uıymdy qarjylandyrǵany úshin jazany qarastyrady. 182-baby boıynsha ekstremıstik topty qurý, oǵan jetekshilik etý, qatysýǵa qatysty jaza belgilengen. Qylmystyq jaýapkershilik boıynsha 2-17 jylǵa deıin bas bostandyǵynan aıyrý jazasy qarastyrylǵan. Bul jerde aıta keterligi, qatysýshylar tyıym salynǵan uıymnyń isine qatysyp qoımaı, ózge de áreketti júzege asyrǵany, máselen kólikpen qamtamasyz etý, jarııalanymdardy taratý, posttar men pikirler jazǵany úshin de jazalanady», - dedi Astanada ótken jıynda QR Bas prokýratýrasynyń qylmystyq qýdalaý qyzmetiniń bastyǵy Erlan Abaev.
Onyń aıtýynsha, QDT-nyń belsendilerine qatysty qylmystyq is qozǵalyp qoıǵan.
«Jyl basynan beri respýblıkamyzdyń bes oblysynda «Qazaqstannyń demokratııalyq tańdaýynyń» belsendilerine qatysty ekstremıstik áreket faktteri boıynsha qylmystyq is qozǵaldy. Sotpen ekstremıstik uıym dep tanylǵan «Qazaqstannyń demokratııalyq tańdaýy» ıdeıasyn qoldaýǵa baǵyttalǵan kez kelgen pikir (kommenttarıı) nemese sóz ol ekstremıstik uıymdy qoldaý bolyp sanalady. Osyny eskerý kerek», - dedi Erlan Abaev.
Eske sala ketsek, búgin Bas prokýratýranyń ókilderi OKQ-da Muhtar Ábilıazovqa qatysty málimdeme jasaǵan bolatyn.
