QDKBQ teńgelik depozıtter boıynsha eń joǵary syıaqy mólsherlemesin bekitti
ALMATY. QazAqparat – Qazaqstandyq depozıtterge kepildik berý qory 2020 jyldyń aqpan aıyna teńgelik depozıtter boıynsha eń joǵary usynylatyn syıaqy mólsherlemesin bekitti. Bul týraly QazAqparat Qordyń (QDKBQ) baspasóz qyzmetine silteme jasap habarlaıdy.
Qańtar aıyndaǵy mólsherlemelermen salystyrǵanda naryqtaǵy mólsherlemeler sońynan 12 aılyq merzimdi depozıtter boıynsha ózgerister oryn taýyp, tolyqtyrý quqyǵymen jáne onsyz – 0,4 paıyzdyq tarmaqqa tómendedi.
Esterińizge sala keteıik, 2019 jyldyń qyrkúıeginen bastap teńgemen merzimdi jáne jınaq salymdary boıynsha eń joǵary usynylatyn syıaqy mólsherlemeleri naryqtyq trendterdiń negizinde esepteledi – mólsherlemelerdiń tómendeýin nemese ósýin bank sektory qalyptastyrady.
Ulttyq valıýtadaǵy qalǵan depozıtter boıynsha eń joǵary usynylatyn syıaqy stavkalary burynǵy deńgeıin saqtap qalýda.
| Depozıttiń sanaty | Tolyqtyrylatyn depozıtter boıynsha, % | Tolyqtyrylmaıtyn depozıtter boıynsha, % | ||
| Qańtar 2019 | Aqpan 2020 | Qańtar 2019 | Aqpan 2020 | |
| Merzimsiz depozıtter | 9,8 | 9,8 | 9,8 | 9,8 |
| Merzimdi depozıtter | ||||
| 3 aıǵa | 10,3 | 10,3 | 10,3 | 10,3 |
| 6 aıǵa | 10,3 | 10,3 | 10,3 | 10,3 |
| 12 aıǵa | 11,1 | 10,7▼ | 11,6 | 11,2▼ |
| 24 aıǵa | 10,8 | 10,8 | 11,9 | 11,9 |
| Jınaq depozıtter | ||||
| 3 aıǵa | 12,7 | 12,7 | 12,7 | 12,7 |
| 6 aıǵa | 13,4 | 13,4 | 13,4 | 13,4 |
| 12 aıǵa | 13,0 | 13,0 | 14,1 | 14,1 |
| 24 aıǵa | 12,6 | 12,6 | 14,5 | 14,5 |
