QDB óz qyzmetkerlerine «dekrettik járdemaqylar» boıynsha aıyrmany tóleıtin boldy
ASTANA. 16 shilde. QazAqparat -«Qazaqstannyń Damý Banki» AQ eńbek shartyna qyzmetkerlerine dekrettik járdemaqylar tóleý týraly tıisti tarmaq engizdi,
soǵan oraı óz qyzmetkerlerine «dekrettik járdemaqylar» boıynsha aıyrmany tóleıdi. Bundaı sheshimdi QDB-niń Dırektorlar keńesi qabyldady. Bul týraly banktiń baspasóz qyzmetinen habarlandy.
«Mindetti áleýmettik saqtandyrý týraly» QR Zańynyń 23-1-babyna engizilgen ózgeristerge sáıkes, jumys berýshi dekrettik tólem kezindegi aıyrmany óz qalaýy boıynsha tóleı alady. Osylaısha, Qazaqstannyń Damý Bankiniń Dırektorlar keńesi eńbek shartyna qosymsha tarmaq engizý týraly sheshim qabyldady. Ol boıynsha tabys kózin joǵaltý jaǵdaıyna áleýmettik tólem somasy shegerilip, júkti bolǵanda jáne bosanǵanda beriletin demalys, jańa týǵan balany asyrap alǵan qyzmetkerlerge beriletin demalys ortasha jalaqy mólsherinde tólenedi», delingen baspasóz baıanynda.
