QDB-niń enshiles kompanııasy ıslam lızıngi sharttary boıynsha alǵashqy kelisimdi qarjylandyrdy
Kólemi 1,1 mlrd teńgeden asatyn kelisim ıslam lızıngi - «Idjara» sharttary boıynsha «QDB-Lızıng» qarjylandyrylǵan alǵashqy joba. Atalmysh kelisimdi uıymdastyrýǵa arnalǵan qorlandyrý kózi «Qazaqstannyń Damý bankiniń» 2012 jyly TMD elderiniń emıtentteri úshin debıýttik «Sýkýk» ıslam oblıgatsııalaryn shyǵarý barysynda tartylǵan qarajaty boldy.
Joba aıasynda «Istkomtrans» JShS qaıtarý lızıngi sharttary boıynsha suıytylǵan kómirsýtekti gazdardy ishki, halyqaralyq jáne tranzıttik qatynastarda tasymaldaýǵa arnalǵan 113 vagon-tsısterna satyp alady. Tsısternalar Qazaqstannyń klımattyq jáne geografııalyq erekshelikterine sáıkes keletin jetildirilgen tehnıkalyq jáne paıdalaný sıpattamalaryna ıe.
«Atalmysh kelisim Qazaqstannyń qarjy sektory úshin asa mańyzdy bolyp tabylady, sebebi ekonomıkaǵa shetel ınvestıtsııalaryn tartý boıynsha múmkindikter artady. Elimizde ıslamdyq qarjylandyrýdy damytý úshin osy quraldardy qarjy operatsııalarynda paıdalaný qajet. Osyǵan baılanysty basa aıtyp ótkim keletini - Qazaqstanda alǵash ret klassıkalyq lızıngtik kompanııa «Idjara» sharttary boıynsha jobany qarjylandyrdy. Bul ónimdi «QDB-Lızıng» enshiles uıymy negizinde damytýdy josparlap otyrmyz, sebebi «Idjara» túp negizi boıynsha qarjy lızıngine uqsaıdy. Osy josparlardy júzege asyrý banktiń qarjy ónimderiniń jelisin keńeıtýge múmkindik beredi. Budan ózge, bul Memleket basshysy Nursultan Nazarbaevtyń Astanada halyqaralyq qarjy ortalyǵyn qurý boıynsha qoıǵan mindetine sáıkes keledi», - deıdi QDB basqarma tóraǵasynyń orynbasary Elena Kogaı.
Óz kezeginde «QDB-Lızıng» AQ basqarma tóraǵasy Alekseı Boev ıslamdyq qarjylandyrý qaǵıdalary boıynsha alǵashqy qanatqaqty kelisimdi júzege asyrý úshin jańa normatıvtik bazany qabyldaý jáne ishki qujattar men úlgilik kelisimsharttardy ázirleý boıynsha keshendi daıyndyq jumystary júrgizilgenin atap ótti.
«Barlyq daıyndyq kezeńderinde «Al Hilal» Islam Banki», sondaı-aq «Sunberg&Company» kompanııasy men «Amanie Advisors CIS» JShS ádisnamalyq jáne konsýltatsııalyq kómek kórsetip, qajetti qujattamany daıyndaýǵa járdemdesti. Osylaısha, atalǵan kelisim jańa múmkindikterge jol ashyp, Qazaqstanda uzaq merzimdi ınvestıtsııalyq jobalardy qarjylandyrý maqsatynda qarjy sektoryndaǵy ıslamdyq ónimder men qyzmetterdiń keń aýqymyn engizýge negiz bolady», - dedi ol.
Aıta keteıik, Idjara - múlikti (jyljıtyn jáne jyljymaıtyn) aldyn ala kelisilgen tólemder somasymen belgili bir merzimge lızıngke berý bolyp tabylady. Mysalǵa, lızıng zaty,ıaǵnı jabdyq múlikti saqtandyrý jáne ony tıisti kúıde saqtaý boıynsha barlyq shyǵyndardy kóteretin lızıng berýshiniń menshiginde qalady. Múlik jaramsyz bolǵan jaǵdaıda lızıng alýshy tólem jasaýdy toqtatady.
