QDB men «ALMEKS» jobalardy qarjylandyrý jáne shetel ınvestıtsııalaryn tartý máselelerinde yntymaqtasýǵa kelisti
Qujatqa QDB atynan - Banktiń Basqarma Tóraǵasy Bolat Jámishev, «ALMEKS» tarapynan - Holdıngtiń Basqarma Tóraǵasy Májıt Esenbaev qol qoıdy.
Kelisimge sáıkes taraptar qazaqstandyq ekonomıkanyń túrli salalaryndaǵy ınvestıtsııalyq jobalardy birlesip qarjylandyrý múmkindikterin qarastyrýǵa, joǵary tehnologııalarǵa ıe transulttyq korporatsııalar men sheteldik kompanııalar tarapynan ınvestıtsııalar tartýǵa járdemdesýge kelisti. QDB «ALMEKS»-pen, sondaı-aq Holdıngpen yqpaldas kompanııalar - «Almeks Proekt» JShS jáne «Almex-Baiterek Fund» JShS-men (ınvestorlary tepe-teń negizde «Báıterek» AQ enshiles qurylymy - «Qazyna Kapıtal Menedjment» AQ, sondaı-aq «Almeks Proekt» JShS bolyp tabylatyn tikeleı ınvestıtsııalar qory) ózara is-áreket jasaıdy.
«Óz qyzmetin transformatsııalaý aıasynda QDB qarjy quraldarynyń jelisin keńeıtýge nıetti, sebebi bul bizdiń klıentterdiń aǵymdaǵy talaptaryna jaýap beredi. «Qazaqstannyń Damý Banki» men eldegi eń iri jeke qarjy holdınginiń arasyndaǵy yntymaqtastyq «ALMEKS»-tiń úleskerlik qarjylandyrýda jáne QDB-niń - uzaq merzimdi qaryz kapıtalyn usynýda jınaǵan quziretter sınergııasyn shıkizattyq emes ekonomıkany damytýǵa, azyq-túlik ónimderin óndirýdi qosa alǵanda óńdeý ónerkásibindegi kapıtaldy qajet etetin jobalardy júzege asyrýǵa baǵyttaýǵa múmkindik beredi», - dep basa aıtty QDB Basqarma Tóraǵasy Bolat Jámishev.
Óz kezeginde, «ALMEKS» Basqarma Tóraǵasy toqtalyp ótkendeı, «iri jobalarǵa ınvestıtsııalar tartýdy júzege asyratyn jáne jobaǵa tolyq saraptama júrgizýde jáne ony júzege asyrýǵa tıimdi monıtorıng júrgizýde mol tájirıbesi bar QDB sııaqty iri memlekettik qarjy ınstıtýtymen memlekettik-jeke menshik áriptestikti damytý el ekonomıkasynyń túrli salalary men sektorlaryndaǵy ınvestıtsııalyq jobalardy júzege asyrýǵa salmaqty demeý bolady».
«Bul tájirıbe ekonomıkanyń naqty sektoryna ınvestıtsııa salǵysy keletin ózge de jeke qarjy ınstıtýttary úshin de tartymdy bolatyny sózsiz», - dedi Májıt Esenbaev.
Tikeleı ınvestıtsııalardy nemese qaryzdardy qosa alǵanda qarjylandyrý tetikterin birlesip jasap, anyqtaý úshin jobalardy izdeý jáne tańdaý, yntymaqtastyq nátıjelerine monıtorıng júrgizý maqsatynda taraptar birlesken jumys tobyn qurady, ony QDB-niń atynan Banktiń Basqarma Tóraǵasynyń orynbasary Abaı Sarqulov basqarady.
«ALMEKS» bank qyzmetin, saqtandyrý jáne qundy qaǵazdar naryǵyn qosa alǵanda qarjy naryǵynda ınvestıtsııalyq qyzmetti júzege asyratyn jáne óziniń enshiles kompanııasy «Qazaqstannyń Halyq Banki» AQ arqyly Qazaqstan, Reseı, Qyrǵyzstan jáne Grýzııadaǵy korporatıvtik jáne bólshek saýda klıentterine bank qyzmetterin, jáne «AON Qazaqstan saqtandyrý deldaly» AQ qaýymdastyrylǵan kompanııasy arqyly qaıta saqtandyrý boıynsha qyzmet kórsetetin qarjy holdıngi bolyp tabylady.
«Qazaqstannyń Damý Banki» AQ (QDB) - 2001 jyly qurylǵan Qazaqstan ekonomıkasynyń shıkizat emes jáne ınfraqurylym sektoryn jańǵyrtý men damytý jónindegi ulttyq damý ınstıtýty. QDB «Báıterek» Ulttyq basqarýshy holdıngi» AQ qurylymyna kiredi. Qyzmetiniń negizgi baǵyttary: óndiristik ınfraqurylym men óńdeý ónerkásibin damytý, el ekonomıkasyna ishki jáne syrtqy ınvestıtsııalardy tartý jáne járdemdesý. QDB údemeli ındýstrııalyq-ınnovatsııalyq damytý memlekettik baǵdarlamasynyń iri ınvestıtsııalyq operatorlarynyń biri bolyp tabylady.
