QDB qarjylandyrýymen Jambyl oblysynyń taǵy 5 eldi mekeni kógildir otynmen qamtylady
Jobanyń jalpy quny 5,6 mlrd teńgeni quraıdy, QDB 3,5 mlrd teńge kóleminde kredıt qarajatyn usynady, 2,01 mlrd teńge basqa da qarjylandyrý kózderiniń úlesi. Bank usynǵan qarjylandyrý Jambyl oblysynyń Qordaı aýdanyndaǵy (Masanshy, Qarakemer, Sortóbe, Bular batyr, Aýqatty aýyldary) gaz qubyrynyń qurylys-montajdaý jumystaryna baǵyttalatyn bolady.
Jetkizýshi gaz qubyrynyń qurylysy «Taraz q. GTS jańǵyrtý» ınvestıtsııalyq jobasy aıasynda júzege asyrylýda.
Jetkizýshi gaz qubyryn salý, ótkizgishtik qabiletin 6 kgs/sm2 deıin ulǵaıtýmen «Qordaı» AGTS qaıta qurýmen qatar júrgizilýde. AGTS-Qordaı-dy qaıta qurý keleshekte taǵy 12 eldi mekenge gaz qubyrlaryn tartý jumystaryn josparlaýǵa múmkindik beredi.
Bul jaǵdaıda aýdandaǵy gazdandyrylǵan eldi mekenderdiń sany 41 eldi mekenniń 29-na deıin jetedi, ıaǵnı Qordaı aýdanyndaǵy eldi mekenderdiń jalpy sanynyń 70%-y. Nátıjesinde óńirdi tabıǵı gazben úzdiksiz jáne apatsyz jabdyqtaý qamtamasyz etiledi, gazdandyrylatyn eldi mekender turǵyndarynyń ómir súrý sapasy arttyrylady.
«QDB damý qarjy ınstıtýty retinde basymdyqtar arasynda ekologııany jaqsartýǵa baǵyttalǵan ekologııalyq taza óndiristerdi kredıtteýge úlken kóńil bóledi. Budan buryn «QazTransGaz Aımaq» AQ-pen áriptestikte Taraz qalasynyń, Qyzylorda, Aqtóbe jáne Túrkistan oblystarynyń gaz taratý jelileri salyndy jáne jańǵyrtyldy, «Ózen-Jetibaı» ýchaskesinde «Ózen-Aqtaý» rezervtik magıstraldyq gaz qubyry salyndy. Osy is-sharalardyń barlyǵy aımaqtar turǵyndarynyń ózekti qajettilikterin qamtamasyz etetin elimizdiń gaz tasymaldaý ınfraqurylymyn aıtarlyqtaı jaqsartýǵa múmkindik beredi», - dep QDB Basqarma Tóraǵasy Abaı Sarqulov atap ótti.
Jobany júzege asyrý aýdannyń aýasyna taraıtyn zııandy zattardyń kólemin azaıtý arqyly óńirdegi ekologııalyq jaǵdaıdy jaqsartýǵa múmkindik beredi. Aýa basseıniniń artyq lastanýyn boldyrmaý úshin otynnyń kúli az jáne kúkirti az túrlerine basymdyq beriledi. Eń taza organıkalyq otyn-tabıǵı gaz. Tabıǵı gazdy úı jylytý, tamaq daıyndaý jáne basqa da turmystyq qajettilikter úshin paıdalaný kezinde tutynýshylardyń shyǵyndary da azaıady.
«QR Prezıdentiniń tapsyrmasy boıynsha «QazTransGaz» AQ ulttyq operatory Jambyl oblysynyń ákimdigimen birlesip Qordaı aýdanynyń bes eldi mekenine gaz qubyrlaryn tartý jumystaryn bastady. Jobamen 73 km joǵary qysymdy gaz qubyrynyń qurylysy qarastyrylǵan. Investıtsııalyq baǵdarlama esebinen 42 shaqyrym gaz qubyry salynady, - deıdi «QazTransGaz Aımaq» AQ Bas dırektory Manas Tasybaev. - Bıýdjet qarajatyna joǵary qysymdy gaz qubyrynyń 31 km qurylysynyń ekinshi bóligi iske asyrylatyn bolady. Jobany júzege asyrý nátıjesinde óńirdiń 50 000-nan astam turǵynyn tabıǵı gazben qosymsha qamtamasyz etý josparlanýda, bul - jalpy 5 282 turǵyn úı, 274 áleýmettik sala jáne kásipkerlik nysandary».
Gazdy úlestirýdiń tıimdi júıesin uıymdastyrý úshin neǵurlym tıimdi kásiporyndardy tabıǵı gazǵa aýystyrý jáne tehnıkalyq jáne qarjylyq múmkindikterdi barynsha paıdalana otyryp, eldi mekenderdiń birinshi kezektegi, neǵurlym rentabeldi aýmaqtary boıynsha gaz qubyrlary jelisin damytý kózdeledi.
«Qazaqstannyń Damý Banki» AQ (QDB) - Qazaqstan ekonomıkasynyń shıkizattyq emes jáne ınfraqurylymdyq sektorlaryn jańǵyrtý jáne damytý boıynsha 2001 jyly qurylǵan ulttyq damý ınstıtýty.
Qyzmetiniń negizgi baǵyttary: óndiristik ınfraqurylymdy jáne óńdeýshi ónerkásipti damytý, el ekonomıkasyna syrtqy jáne ishki ınvestıtsııalardy tartý jáne qoldaý kórsetý.
QDB údemeli ındýstrııalyq-ınnovatsııalyq damý memlekettik baǵdarlamasynyń iri ınvestıtsııalyq operatorlarynyń biri. QDB «Báıterek» ulttyq basqarýshy holdıngi» AQ qurylymyna kiredi.
«QazTransGaz Aımaq» AQ - jalǵyz aktsıoneri «QazMunaıGaz» UK» AQ enshiles qurylymy – «QazTransGaz» AQ bolyp tabylatyn Qazaqstan Respýblıkasynyń barlyq gazdandyrylǵan óńirlerinde (Túrkistan, Qostanaı, Jambyl, Aqtóbe, Atyraý, Batys Qazaqstan, Qyzylorda, Shyǵys Qazaqstan, Almaty jáne Mańǵystaý oblystary, sondaı-aq Almaty jáne Shymkent qalalary) taratýshy jáne magıstraldyq gaz qubyrlaryn paıdalanatyn Qazaqstannyń iri gazben jabdyqtaý kompanııasy.
Kompanııanyń qyzmeti gazdy taratý jelileri arqyly tasymaldaýǵa, halyqty, kommýnaldyq-turmystyq, ónerkásiptik kásiporyndardy apatsyz jáne úzdiksiz gazben jabdyqtaýdy qamtamasyz etýge jáne ınfraqurylymdy basqarýǵa baǵyttalǵan.
Kompanııa taýarlyq gazdy tutynýshylardyń barlyq sanattaryna: halyqqa, ónerkásiptik jáne kommýnaldyq-turmystyq kásiporyndarǵa, sondaı-aq bıýdjettik uıymdarǵa ótkizedi.
