QDB 100 mlrd teńge kóleminde eýrooblıgatsııalar shyǵardy

ASTANA. QazAqparat - «Qazaqstan damý banki» AQ 100 mlrd teńge kóleminde teńgege denomınatsııalanǵan eýrooblıgatsııalardyń debıýttik shyǵarylymyn júzege asyrdy, dep habarlaıdy QazAqparat.

Baǵa qaǵazdardyń aınalymda bolý merzimi 3 jyldy quraıdy. Óteý merzimi 2020 jyldyń 14 qyrkúıegi bolyp belgilengen. Ornalastyrý kezinde ótelýine qaraı kiristiligi 9,625 paıyz, kýpondyq mólsherleme jyldyq 9,5 paıyz bolady. Esep aıyrysý mámilesi aǵymdaǵy jyldyń 14 jeltoqsanynda júrgiziledi.

Bank usynǵan bondtardy ornalastyrý geografııasy mynadaı: Ulybrıtanııa (63 paıyz), AQSh (21), Germanııa (8), basqa da Eýropa elderine shyǵarylym kóleminiń 6 paıyzy, al Qazaqstanǵa 2 paıyzy tıesili bolady.

Baǵaly qaǵazdardyń emıssııa kóleminiń 97 paıyzyn aktıvterdi basqarý qorlary, 2 paıyzyn hedj-qorlar, 1 paıyzyn bankter ıelenedi. Absolıýttik sanda sóz 29 ınvestor jaıynda bolyp otyr.

Shyǵarylymnyń qarjy keńesshileri men anderraıterleri - J.P. Morgan, Citi, Halyk Finance. ÓDB eýrooblıgatsııalarynyń osy shyǵarylymy Qazaqstan jáne London qor bırjalarynda lıstıngteletin bolady.