Kcell jáne Activ abonentteri «Nokia arqyly shekteýsiz braýzıngke» ıe boldy
ALMATY. 18 tamyz. QazAqparat /Ádilet Musahaev/ - Kcell jáne Activ saýda belgilerin usynǵan mobıldi baılanys operatory GSM Qazaqstan «Nokia arqyly shekteýsiz braýzıng» qyzmetin engizilgenin habarlaıdy.
Fınlıandııa óndirýshisiniń telefondaryn paıdalanýshy kompanııa abonentteri Internetti táýligine 20 teńgege shekteýsiz paıdalaný múmkindigine ıe bolady.
«Nokia arqyly shekteýsiz braýzıng» mobıldi Internet paıdalanýshylaryna arnalǵan Kcell jáne Activ servısteriniń jelisinde kezekti qyzmet boldy. Buryn kompanııa osy sııaqty «Opera Mini arqyly shekteýsiz braýzıng» qyzmetin engizgen bolatyn.
«Nokia arqyly shekteýsiz braýzıng» derekterdi berý shyǵyndaryn azaıtýǵa múmkindik beretin trafıkti syǵý tehnologııasy bar ornatylǵan braýzerimen S40 Nokia platformasyndaǵy mobıldi telefondarda áreket etedi. Braýzerdi browser.ovi.com siltemesi arqyly nemese Ovi dúkeninen júktep alýǵa bolady.
GSM Qazaqstan/Kcell Korporatıvtik kommýnıkatsııalar departamentiniń dırektory Aıda Dosaevanyń aıtýynsha, kompanııa mobıldi Internetke tıimdi qol jetkizý sharttaryn usynýdy jalǵastyrýda. «Kompanııamyzdyń Eýrazııada alǵash bolyp endirgen «Nokia arqyly shekteýsiz braýzıng» qyzmeti áleýmettik jelilerde sheksiz qatynasýdyń, súıikti saıttardyń braýzıngi men tıimdi trafıktiń jańa múmkindikterin usyna otyryp mobıldi Internet paıdalanýshylarynyń qataryn keńeıtýge septigin tıgizedi, osy artyqshylyqtardyń barlyǵyn Nokia mobıldi braýzeri berip otyr»,-deıdi Aıda Dosaeva.
«Sońǵy kezderi Nokia qurylǵylary arqyly mobıldi ǵalamtordy paıdalaný Qazaqstan turǵyndarynyń arasynda qalypty ári keń taralǵan qubylysqa aınalyp keledi. Solaı bola tura S40 platformasyndaǵy bizdiń mobıldi telefondar qazaq tilin qoldaıtynyn atap ótken mańyzdy. Biz osy qyzmettiń keńinen tanymal bolatynyna senimdimiz», - deıdi TMD ońtústik elderindegi Nokia Bas menedjeri Karel Golýb.
