KCell, Tele2, Beeline kompanııalarynyń ústinen tarıf kóterý týraly «sóz baılasý» kúdigimen tekserý júrip jatyr

ASTANA. KAZINFORM – Básekelestikti qorǵaý jáne damytý agenttigi tóraǵasynyń orynbasary Bolat Sámbetov KCell, Tele2, Beeline operatorlarynyń ústinen «sóz baılasý» kúdigimen tekserý júrip jatqanyn málim etti.

 ұялы байланыс
Фото: pixabay

- Bizde úsh iri uıaly operator bar ekenin bilesizder. Olar: KCell, Tele2, Beeline. Olardyń naryqta 30-40 paıyz kóleminde úlesi bar. Byltyr Tele2 sheteldik ınvestorlarǵa satylǵan bolatyn. Qazir jańa oıynshy naryqqa qandaı ózgeris ákeletinin baqylap otyrmyz. Biraq keıingi birneshe jylda tutynýshylardan shaǵym óte kóp túsip jatyr. Naryqqa taldaý jasaǵan kezde tarıfter ósip kele jatqanyn kórip júrmiz. Keıingi eki jylda baılanys operatorlarynyń bári tarıfti ósirgen. Qazir sóz baılasý kúdigi boıynsha tekserý júrgizip jatyrmyz. Olardyń bir ýaqytta tarıfti aıtarlyqtaı ósirgenin baıqadyq. Monopolııaǵa qarsy salada muny sóz baılasý dep ataıdy, - dedi agenttik tóraǵasynyń orynbasary BAQ ókilderiniń suraǵyna bergen jaýapta.

Sondaı-aq, ol atalǵan tekserý jyl aıaǵyna deıin bitedi degendi aıtty.

- Qazir bul tekserýlerdiń aıasynda sot protsesteri júrip jatyr. Tekserý jyl aıaǵyna deıin aıaqtalý kerek. Sot bizdiń talaptarymyzdy oryndy dep tapsa, abonentterden alynǵan zańsyz soma operatorlardan aıyppul retinde bıýdjetke qaıtarylady, - dedi Bolat Sámbetov.

Aıta keteıik, bıyl respýblıkalyq joldarda uıaly baılanys sapasyn jaqsartý jumystary bastalady.

Сейчас читают