Kcell men Activ ınterneti durys istemeı tur: Kompanııa mán-jaıdy anyqtaýda

ASTANA. QazAqparat – Kcell kompanııasy elimizdiń keıbir óńirlerinde uıaly baılanys ınterneti boıynsha problema bar ekenin rastady, dep habarlaıdy QazAqparat tilshisi.

Atap aıtqanda, búgin tańerteńnen beri áleýmettik jelilerde Astana turǵyndary Kcell jáne Activ uıaly baılanysy nasharlap, áreń qosylyp turǵany jaıynda jazyp jatyr.

«Kompanııanyń tehnıkalyq bólimshe qyzmetkerleri Qazaqstannyń soltústik jáne shyǵys óńirlerindegi birqatar qalada derekterdi berý qyzmetiniń nashar istep turǵanyn anyqtady. Qazirgi ýaqytta kompanııa mamandary servısti jyldam qalpyna keltirý baǵytynda tıisti jumysty iske asyryp jatyr», - dep jaýap berdi Kcell baspasóz qyzmeti.