Kcell Azıada-2011-diń keri sanaǵyshyn shyǵardy
;ALMATY. Qazannyń 25-i. QazAqparat /Erbol Turymbetov/ - Astana men Almatyda ótetin VII Qysqy Azııa oıyndarynyń resmı operatory «GSM Kazaqstan/Kcell» kompanııasy Kcell-ortalyqtarynyń birinde Azıadanyń keri sanaǵyshyn shyǵardy.
Bul týraly kompanııanyń baspasóz qyzmeti habarlady.
Kompanııa keri sanaý qurylǵysyn shyǵarýdy qysqy Azııa oıyndarynyń ashylýyna 100 qalýyna oraılastyryp otyr. Sanaǵyshty iske qosýdyń saltanatty rásimi ótken aptanyń sońynda boldy. Hranometrge «7-shi Qysqy Azııa oıyndaryn uıymdastyrý komıtetiniń atqarýshy dırektsııasy» AQ-nyń vıtse-prezıdenti Evgenıı Nıkıtınskıı jáne GSM Kazaqstan/Kcell kompanııasynyń korporatıvti kommýnıkatsııa jónindegi dırektory Aıda Dosaeva bastaý berdi.
«Qysqy Azıada-2011-di ótkizý - Qazaqstan úshin keń kólemdegi sporttyq shara bolyp sanalady. Qazirgi ýaqytta biz 31 elden keletin sportshylar men qonaqtardy qabyldaýǵa daıynbyz dep senimdi aıta alamyn», dedi E. Nıkıtınskıı.
A. Dosaeva kompanııanyń qazaqstandyq uıaly baılanys operatory bola tura, iri sporttyq sharaǵa múmkindiginshe qoldaý bildiretindikterin jetkizdi. «Biz Kcell-diń Azıadanyń uıaly baılanys operaty bolyp tanylǵanymen maqtanamyz. Sonymen birge, abonentterimizdiń Azıada týraly mol maǵlumat alyp, Qazaqstan quramasyna belsendi jankúıer bolǵanyn qalaımyz», dedi ol.
