QBTÝ memleketke qalaı qaıtaryldy
ALMATY. KAZINFORM - Qazaqstan-Brıtan tehnıkalyq ýnıversıteti memleket menshigine ótken bolatyn.
Qarjy mınıstrliginiń qarjylyq eseptilik depozıtarııi saıtynda jarııalanǵan málimetke sáıkes, 2025 jylǵy 27 aqpannan bastap Qazaqstan-Brıtan tehnıkalyq ýnıversıtetiniń jańa aktsıoneri retinde “Qaıtarylǵan aktıvterdi basqarý kompanııasy” JShS kórsetilgen.
Osy oraıda Kazinform agenttigi “Qaıtarylǵan aktıvterdi basqarý kompanııasy” JShS-yna saýal joldap, Qazaq-Brıtan tehnıkalyq ýnıversıteti memleketke qalaı qaıtarylǵanyn surady.
- QBTÝ aktsıoneriniń ózgerýi zańdy kúshine engen sot aktileriniń negizinde júzege asyryldy. Basqarýshy kompanııanyń ókilderi bul qujattarmen tanysyp jatyr. Qazirgi ýaqytta ýnıversıtettiń bolashaq taǵdyry boıynsha sheshim qabyldaý máselesi ashyq kúıinde qalyp otyr, - delingen kompanııa jaýabynda.
Eske salaıyq, Ǵylym jáne joǵary bilim mınıstri Saıasat Nurbek Úkimet otyrysynan keıin ótken baspasóz máslıhatynda memleketke qaıtarylyp jatqan Qazaqstan-Brıtan tehnıkalyq ýnıversıtetiniń keleshegi týraly pikir bildirgen bolatyn.