Q.Bozymbaev: Internette taraǵan nusqa men «qara jáshiktegi» málimet arasynda úlken aıyrmashylyq bar

ASTANA. KAZINFORM — Premer-mınıstrdiń orynbasary Qanat Bozymbaev Aqtaý túbindegi ushaq apatynan qaıtys bolǵan qazaqstandyqtardyń otbasyna demeýshiler taǵy áleýmettik kómek kórsetetinin aıtty.

— Siz aıtyp otyrǵan málimetti «qara jáshikti» tekserý kezinde alynǵan aqparatty jasyryn taratý dep qarastyryp otyrǵan joqpyz. Men sizge týra aıttym ǵoı. Áldebireýdiń ınternetke áldebir málimetti jarııalaǵany aqıqat degen sóz emes. «Qara jáshiktegi» derekterdiń mazmunynan úlken aıyrmashylyq bar, — dedi vıtse-premer.

Eske salsaq, reseılik telegramm-arnalardyń birinde Aqtaýda túbinde qulaǵan ushaqtyń «qara jáshiginen» alynǵan alyndy degen taqyryppen úlken mátin taraǵan bolatyn. Ol mátinde ázerbaıjandyq áýe kompanııasyna tıesili ushaqtyń ekıpajy Reseılik dıspetcherler usynǵan áýejaıdy tańdamaı, Aqtaýǵa bet alǵany týraly málimetter bar.

Kólik mınıstrligi bul máselege baılanysty resmı derekkózi joq, ǵalamtorda jarııalanǵan derekke túsinikteme bermeıtinderin málim etken bolatyn.

Buǵan deıin habarlanǵandaı, Aqtaý túbindegi ushaq apatynyń aldyn ala sebepteri kelesi aptada aıtylatyny belgili boldy.