20:20, 25 Maýsym 2024 | GMT +6

Q.Bıshimbaevqa qatysty qylmystyq is boıynsha sot otyrysy 26 maýsym kúni ótedi

Қуандық Бишимбаев — Фото: Астана қаласы Қылмыстық істер жөніндегі мамандандырылған ауданаралық соты

ASTANA. KAZINFORM – QR Joǵarǵy soty respýblıka sottarynyń otyrystaryn tikeleı efırde ótkizý tájirıbesin jalǵastyrýda, dep habarlaıdy sottyń baspasóz qyzmeti.

Qýandyq Bıshimbaevqa qatysty qylmystyq is boıynsha sot otyrysy erteń, 26 maýsymda saǵat 10:00-de ótedi.

«Joǵarǵy Sot qoǵamnyń sot protsesine qyzyǵýshylyǵynyń artqanyn eskere otyryp, apellıatsııalyq satydaǵy sot otyrystarynyń onlaın-translıatsııasyn jalǵastyrý týraly sheshim qabyldady»,-delingen habarlamada.

Sot otyrysynyń onlaın-translıatsııasyn Joǵarǵy sottyń jáne «Habar» agenttiginiń YouTube-arnasynan kóre alasyzdar.

Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy.

Sondaı-aq, eks-sheneýniktiń merziminen buryn bosap shyǵýy múmkin be, degen taqyrypta sholý jasaǵan edik.

Osyǵan deıin Bıshimbaev pen Baıjanovqa qatysty apellıatsııalyq satydaǵy sot otyrysy tikeleı efırde ótetinin jazǵan bolatynbyz.

Tegter:

Сот Заң және құқық Қуандық Бишімбаев ҚР Жоғарғы соты

Сейчас читают