QBF Azııa oıyndarynyń júldegerlerine qosymsha syıaqy taǵaıyndady

ASTANA. QazAqparat – Qazaqstannyń boks federatsııasy bokstan erler jáne áıelder quramasynyń 2023 jylǵy Azııa oıyndarynyń jeńimpazdary men júldegerlerine syıaqy taǵaıyndady. Syıaqylardyń mólsheri federatsııanyń Instagram paraqshasynda jarııalandy, dep habarlaıdy QazAqparat.

ıAǵnı, Azııa oıyndarynda altyn medal úshin 50 myń AQSh dollaryn, kúmis júldege - 30 myń AQSh dollaryn, qola medalǵa 10 myń AQSh dollaryn berý kózdelip otyr.

Osyǵan deıin Týrızm jáne sport mınıstrligi aldaǵy jazǵy Azııa oıyndarynda júlde alǵan qazaqstandyq sportshylar men olardyń jattyqtyrýshylaryna qansha aqsha tólenetinin jarııalaǵan bolatyn.

Mınıstrlik Azııa oıyndarynyń chempıony atanǵan sportshyǵa 10 000 AQSh dollary kóleminde syıaqy bermek. Al, altyn medal ıegerin jarysqa daıyndaǵan jattyqtyrý 5000 AQSh dollaryn alady.

Qurlyq birinshiliginiń kúmis júldegeri 5000 AQSh dollary, al jattyqtyrýshysy 3000 AQSh dollary kóleminde syıaqy alady. Sondaı-aq, qola medal enshilegen qurama sportshysyna 3000 AQSh dollary, al onyń jattyqtyrýshysyna 2000 AQSh dollary kóleminde syıaqy beriledi.

Aıta keteıik, Azııa oıyndary Qytaıdyń Hanchjoý qalasynda 23 qyrkúıek pen 8 qazan aralyǵynda ótedi. Óz tarıhynda 19-shy márte jalaýyn kóteretin Azııa oıyndarynda 40-tan astam sport túrinen júldeler sarapqa salynady. Qurlyq birinshiligine 45 memleket qatysady dep josparlanyp otyr.