«Qazyna Kapıtal Menedjment» AQ men EQDB Qazaqstan ekonomıkasyna ınvestıtsııa salady
ASTANA. QazAqparat - «Qazyna Kapıtal Menedjment» AQ pen Eýropa qaıta qurý jáne damý banki ADM Kazakhstan Capital Restructuring Fund qory arqyly Qazaqstan ekonomıkasyna birlesip ınvestıtsııa salýdy jalǵastyrady, dep habarlaıdy QazAqparat.
«Qazyna Kapıtal Menedjment» AQ baspasóz qyzmetiniń málimetinshe, QKM men EQDB Qor ómiriniń merzimin uzartý týraly kelisimge qol qoıdy. Investorlardyń qabyldaǵan sheshimderiniń nátıjesinde Qor qazaqstandyq jobalardy kelesi eki jyl ishinde qoldaýdyń qosymsha múmkindigin alady.
ADM Kazakhstan Capital Restructuring Fund kapıtalızatsııasy 100 mıllıon AQSh dollaryn quraıdy. Qordy ADM Capital abyroıly halyqaralyq basqarýshy kompanııasy (www.admcap.com) basqarady. Qordyń ınvestıtsııalyq portfeli óńdeý ónerkásibi, kólik jáne logıstıka, aýyl sharýashylyǵy, medıtsına jáne basqa da jobalardy qamtıdy.
«Qazyna Kapıtal Menedjment» AQ (QKM) tikeleı ınvestıtsııa qorlarynyń qazaqstandyq qory. QKM ınstıtýtsıonaldy sheteldik ınvestorlarmen birlesip ekonomıkanyń serpindi damýshy sektorlaryndaǵy kásiporyndarǵa kapıtal usynatyn ınvestıtsııalyq qorlardyń aktsıoneri bolyp tabylady. QKM «Báıterek» ulttyq basqarýshy holdıngi» AQ-nyń qurylymyna enedi.
Eýropa qaıta qurý jáne damý banki (EQDB) - 1991 jyly quryldy. Bank ashyq naryqtyq ekonomıkaǵa ótýge, sonymen qatar jekemenshik jáne kásipkerlik qyzmetti damytýǵa yqpal etetin jobalarǵa ınvestıtsııa salady. Bank 1991 jyly qurylǵan kezden beri 4,500 myńnan astam jobalardy iske asyrdy.
