Qazyǵurttyq baǵban 8 naýryzda 50 myń tal raýshan gúlin satylymǵa shyǵarmaq
ShYMKENT. QazAqparat - Ońtústik Qazaqstan oblysy, Qazyǵurt aýdanyndaǵy sharýa qojalyǵy 8 - naýryz Halyqaralyq áıelder merekesi qarsańynda 50 myń tal raýshan gúlin satylymǵa shyǵarmaq, dep habarlaıdy QazAqparat tilshisi.
Búginde «Gýl Mansýr» JShS-niń 1 gektar jylyjaıynda «Chernaıa magııa» tuqymdy raýshan gúli ósirilýde. Osydan alty jyl buryn eki januıanyń birigýimen qurylǵan sharýa qojalyǵy ınvestıtsııalyq kuny 12 mln teńgeni quraıtyn jobany qalǵa aldy. Qazirgi tańda seriktestiktiń menshiginde 2,5 gektar egistik jer bar bolsa, onyń bir gektaryna jylyjaı jasalǵan. Onda «Chernaıa magııa» tuqymdy raýshan gúlderi ósiriledi. Qojalyq ıesi bul gúlderge suranys jyl ótken saıyn artyp kele jatqanyn aıtady.
«Gúldi alǵash ret 2013 jyly 0,40 gektar jylyjaıǵa egip kórdik. Sosyn gúlge degen suranysty baıqaǵan soń, jylyjaı kólemin 1 gektarǵa deıin ulǵaıttyq. 2017 jyly 45 myń dana gúl daıyndalyp, aýyl, aýdan jáne oblys kóleminde satylymǵa shyǵaryp, tabysqa keneldik. Bıyl túsim odan da jaqsy bolady degen úmittemiz», - deıdi qojalyq ıesi.
Aıta keteıik, qojalyq búginde 5 adamdy jumyspen qamtyp otyr. Maýsym kezinde mundaǵy jumysshylar sany 20-ǵa jetedi. Árbir qyzmetkerge 50 myń teńge kóleminde eńbekaqy tólenedi. Sharýashylyq basshylyǵy bolashaqta jylyjaı aýqymyn keńeıtýdi josparlap otyr. 
