Qazyǵurtta Respýblıka kúnine oraı mektep pen medıtsınalyq ortalyq ashyldy

TÚRKІSTAN. QazAqparat – Túrkistan oblysy Qazyǵurt aýdanynda Respýblıka kúni qarsańynda Oral Narbaev atyndaǵy 150 oryndyq bastaýysh mektebi men «Aı-Farma» medıtsınalyq ortalyǵy paıdalanýǵa berildi. Bul týraly QazAqparat oblys ákiminiń baspasóz qyzmetine silteme jasap habarlaıdy.

Áleýmettik mańyzdaǵy ǵımarattardyń saltanatty ashylý rásiminde aýdan ákimi Arman Abdýllaev quttyqtaý sóz sóılep, lentasyn qıdy. Eki nysan da kásipkerlerdiń jeke ınvestıtsııasy arqyly boı kótergen.

Mereıli merekege oraı, aýdan ortalyǵynda bilim ordalary men mádenıet qyzmetkerleri tarapynan arnaıy kórmeler qoıylyp, sporttyq saıystar uıymdastyryldy. El ıgiligi úshin jasalyp jatqan ıgi sharalar joǵary dárejede ótkizildi.

Arman Aıdaruly barsha qazyǵurttyqtardy Respýblıka kúnimen quttyqtap, el damýyna úles qosyp júrgen birqatar azamatty Alǵys hatpen marapattady. Aýdandyq is-shara kontserttik baǵdarlamamen qorytyndylandy.