Qazyǵurtta ıesiniń kózinshe qoıyn urlap ketken kúdikti ustaldy
QAZYǴURT. QazAqparat - Túrkistan oblysy polıtseıleri ıesiniń kózinshe qoıyn urlaǵan kúdiktilerdi ustady, dep habarlaıdy QazAqparat oblystyq PD baspasóz qyzmetine silteme jasap.
Qazyǵurt aýdandyq polıtsııa bólimine jergilikti turǵyn aryzdanady. Ol qoıyn úıine aıdap kelý úshin mal jaıylymǵa bara jatqanda 50 metr qashyqtyqta belgisiz eki adam bir qoıdy kóligine salyp jatqanyn kóredi. Onyń «toqtańdar» degenine qaramastan kúdiktiler qoıdy kólikke artyp, qashyp ketedi.
Atalǵan jaıt QR QK 188-1-baby boıynsha tirkeldi. Jábirlenýshiniń aıtýy boıynsha oqıǵa ornynda Qazyǵurt APB ýchaskelik polıtsııa qyzmetkerleri jedel-izdestirý sharalaryn júrgizdi. Iesiniń kórip qoıǵanyna qaramastan, malyn urlaǵan kúdiktilerdi «izin sýytpaı» ustaý maqsatynda barlyq qajetti tekserý jumysy jasaldy.
Koronavırýsqa qatysty qoıylǵan blok-bekettegi polıtseılerge kóliktiń nómiri aıtylyp, muqııat qarap, ótkizbeý týraly habarlama berildi.
Júıeli jasalǵan jedel áreketter nátıjesinde jarty saǵat ishinde ýchaskelik polıtsııa ınspektory kúdikti kólikti kórip, toqtatady. Sol sátte kólikti júrgizip otyrǵan turǵyn shyǵyp, qashyp úlgeredi. Al, ekinshi kúdikti ustaldy. Ol kórshi aýyldyń turǵyny bolyp shyqty. Óz kinásin tolyq moıyndady.
Urlanǵan qoı aıǵaq retinde alynyp, zańdy ıesine qaıtaryldy. Kúdiktiniń bas sharasy - «kelý týraly mindetteme». Tártip saqshylary kúdiktiniń sybaılasy, qashyp úlgergen kúdiktini izdestirip jatyr. Qazirgi tańda mal urlyǵyna qatysty jańadan engizilgen qatańdatylǵan zańǵa sáıkes sotqa deıingi tergeý amaldary júrgizilip jatyr.
