11:26, 10 Tamyz 2023 | GMT +6
Qazyǵurtta eki kólik túrli-tústi maıak ornatyp, tirkeý nómirinsiz toı kortejinde júrgen
TÚRKІSTAN. QazAqparat - ІІM Túrkistan oblysynda jol erejesin óreskel buzǵan júrgizýshiler anyqtalǵanyn málimdedi, dep habarlaıdy QazAqparat.
«Áleýmettik jelilerge monıtorıng júrgizý barysynda, toı kortejinde jol erejesin saqtamaǵan jáne ruqsat etilmeıtin qyzyl-kók tústi maıak ornatyp, tipti memlekettik tirkeý nómirinsiz trassada emin-erkin júrgen eki kóliktiń beınejazbasy belgili boldy.
Quqyq buzýshylyq Qazyǵurt aýdanynda bolǵan. VAZ 21015 kóligi anyqtalyp, onyń júrgizýshisine QR ÁQBtK 590-baby 2-bóligi, 603-baby 2-bóligi, 601-baby 1-bóligi boıynsha jaýapqa tartyldy», - dep jazdy quzyrly organnan.
Júrgizýshi kinásin tolyq moıyndady.
Al beınejazbadaǵy ekinshi Lada Granta kóligin basqarǵan shymkenttik turǵynnyń jeke basy anyqtalyp, tártip saqshylarymen izdestirý jumystary júrgizilýde.
