Qazyǵurtta birneshe toıhana ıesi karantın rejımin buzǵan - Túrkistan oblysy

QAZYǴURT. QazAqparat - Qazyǵurt APB-niń qyzmetkerleri turǵyndardyń saýlyǵy úshin karantın rejıminiń saqtalýyn qatań túrde baqylaýda, dep habarlaıdy QazAqparat Túrkistan oblysy polıtsııa departamentiniń baspasóz qyzmetine silteme jasap.

Tártip saqshylarynyń kúndelikti júrgizgen is-sharalarynyń nátıjesinde Qazyǵurt aýdanynda karantın talaptaryn saqtamaı, qaǵıdalardyń buzylýyna jol bergen birneshe toıhana ıesi anyqtaldy.

Atap aıtqanda, Qazyǵurt aýdanyndaǵy eldi mekenniń birinde ornalasqan toıhanada 150-den astam turǵyn jınalyp, «Úılený toı» ótkizip jatqandyǵy anyqtaldy. Sonymen qatar taǵy bir toıhanada 50-den astam adam bas qosyp, «Betashar» ótkizgen.

Atalǵan toı ıelerine qatysty QR ÁQBtK-niń 425-baby «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha is-qujattar jınaqtalyp, SEBB-ǵa joldandy.