Qazyǵurtta 92 jastaǵy ájeı koronavırýsty jeńip, úıine oraldy
QAZYǴURT. QazAqparat - Túrkistan oblysy Qazyǵurt aýdanynda turatyn 92 jastaǵy ájeı koronavırýstan qulan-taza aıyǵyp, aýrýhanadan shyqty, dep habarlaıdy QazAqparat Qazaqstan ulttyq arnasyna silteme jasap.
Monshaq Kenjalıeva bir apta buryn eki jaqty pnevmonııa dıagnozymen aýrýhanaǵa jatqyzylǵan. Dárigerlerdiń biliktiligi jáne der kezinde kórsetilgen kómektiń arqasynda ájeı syrqatty jyldam jeńdi.
Monshaq apa dárigerlerge rızashylyǵyn bildirip, búgin óz shańyraǵyna oraldy.
«Dárigerlerdiń arqasynda 2 kún boldy adam bolyp otyrǵanyma. Rahmet. Baqytty bolyńdar. Árbir emderiń halyqqa shıpa bolsyn» dep alǵysyn jetkizdi keıýana.
Eske sala keteıik, buǵan deıin túrkistandyq dárigerler jas bosanǵan áıeldi aman alyp qalǵan edi. Kishkentaıly bolǵan soń bir aıdan keıin vırýs juqtyrǵan 34 jastaǵy kelinshektiń ókpe tamyrlary bitelgen.
Pnevmonııanyń aýyr túrine shaldyqqan áıeldi dárigerler tolyq emdep, aıaqqa turǵyzdy.
