Qazyǵurtta 45 metr bıiktikke Memlekettik Tý ornatyldy
TÚRKІSTAN. QazAqparat-Túrkistan oblysynyń Qazyǵurt aýdanynda 45 metr bıiktikke Memlekettik Tý ornatyldy, dep habarlaıdy QazAqparat tilshisi.
Memlekettik Tý Shymkent-Tashkent kúre jolynyń boıyndaǵy «Máńgilik el» saıabaǵynda ornalasqan.
Jalpy quny 35 mln. teńge bolatyn joba aıasynda týtuǵyrdyń jan-jaǵy abattandyrylyp, oryndyqtar ornatylǵan.
Saltanatty sharada sóz alǵan zııaly qaýym ókilderi týdyń kókke kóterilgeni jastarǵa, bolashaq urpaqqa úlken rýh syılaıtynyn aıtyp, uıymdastyrýshylarǵa rızashylyǵyn bildirdi.
Tóbe basyna ornatylǵan alyp tý men týtuǵyrdyń berik qurylymy eldiń kúsh qýaty men dańqyn, onyń uly tarıhy men bolashaǵyn beıneleıtindigin jetkizdi.
