Qazyǵurtta 3 balasyn aıaýsyz uryp-soqqan ákeniń áreketi tekserilýde
Aıta keteıik, jýrnalıst Jazıra Begaly óziniń facebook-tegi paraqshasynda bir erkektiń balalaryn aıaýsyz uryp soqqany týraly vıdony jarııalap, tıisti organdardan kómek suraǵan bolatyn.
Bul beınejazbaǵa oraı Túrkistan oblystyq PD baspasóz qyzmeti resmı jaýap jiberdi.
«Áleýmettik jelilerge monıtorıng júrgizý barysynda Túrkistan oblysy Polıtsııa departamentiniń polıtseıleri belgisiz er adamnyń kámeletke tolmaǵan balany uryp-soǵyp jatqan beınejazbasyn anyqtady. Tekserý barysynda oqıǵanyń Qazyǵurt aýdanynda bolǵany aıqyndaldy. Atalǵan jaıtty polıtseıler QR QK-niń 110-baby boıynsha tirkedi. Kúdikti azamat zańdy túrde jaýapqa tartylatyn bolady. Sonymen qatar, aýdandyq ýchaskelik polıtsııa ınspektoryna qatysty qyzmettik tekserý júrgizilýde. Qazirgi ýaqytta atalǵan jaıttyń tolyq mán-jaıy anyqtalýda», - delingen habarlamada.