Qazyǵurtta 2 jasar sábı vagon astynda mert boldy
NUR-SULTAN. QazAqparat - «QTJ-Júk tasymaly» JShS Qazyǵurt stansasynda 2 jasar sábıdiń vagon astyna túsip mert bolýyna qatysty málimdeme taratty, dep habarlaıdy QazAqparat tilshisi.
«Bul ata-ana úshin orny tolmas qaıǵy. Baladan aıyrylýdan asqan qaıǵy da, qasiret te joq. Shynymen de, 2020 jyldyń 18 jeltoqsanynda saǵat 16:35-te júk tasymalynyń Shymkent bólimshesine qarasty Qazyǵurt stansasynda vagondardyń astymen júrgen 2 jasar sábı aýyr jaraqattan mert boldy. Qaıǵyly oqıǵa manevr jumystary barysynda boldy. Oqıǵanyń barlyq mán-jaıyn arnaýly qurylǵan komıssııa anyqtaıtyn bolady», - delingen kompanııa taratqan aqparatta.
