Qazyǵurt turǵyny ómirden ótken ákesiniń zeınetaqysyn zańsyz alyp otyrǵan
QAZYǴURT. QazAqparat - Qazyǵurt aýdandyq polıtsııa basqarmasyna aýdan prokýratýrasynan qujattar kelip tústi. Onda jergilikti turǵyndardyń biri qaıtys bolǵan ákesine memleket tarapynan tólenetin zeınetaqysyn zańsyz alyp kelgeni kórsetilgen. Bul týraly QazAqparat Túrkistan oblystyq PD baspasóz qyzmetine silteme jasap habarlaıdy.
Ol 2 jyl 3 aı boıy ákesiniń zeınetaqysyn zańsyz alyp, memleketke 1 mıllıon 200 myńnan astam teńge shyǵyn keltirgen. Atalǵan jaıt QR QK-niń 190-baby «Alaıaqtyq» boıynsha tirkeýge alyndy.
Aqparat alysymen polıtseıler kúdikti turǵynnyń jeke basyn anyqtady. Ony turǵylyqty mekenjaıynan ustap, APB-ne jetkizdi. Er adam óz kinásin tolyq moıyndady. Búginde turǵyn memleket tarapynan 2 jyl buryn dúnıeden ótken ákesiniń atynan alyp otyrǵan aqshany qaıtarǵan.
