Qazyǵurt turǵyndary Túrkistan qalasyna 8 myńǵa jýyq túp tal ekti
TÚRKІSTAN. QazAqparat – Qazyǵurt aýdanynyń turǵyndary Túrkistan qalasyna 8 myńǵa jýyq túp tal ekti. Bul shara oblys ortalyǵyn kórkeıtip, kógaldandyrý maqsatynda atqarylýda, dep habarlaıdy QazAqparat tilishisi.
Oblys ákimi Ómirzaq Shókeevtiń tapsyrmasyna oraı, shahar birneshe sektorǵa bólinip, aýdandar men oblystyq basqarmalar jaýapty retinde belgilengen bolatyn. Osyǵan baılanysty Qazyǵurt aýdany ózine tıisti 6-sektorda kógaldandyrý jumystaryn júrgizýde. Aýdan atalǵan sektordaǵy kóshelerdi kórkeıtý, kógaldandyrý boıynsha «Kórkem qala KZ» JShS-men kelisimshartqa turǵan. Sektorda 9 kóshe bar bolsa, qazirgi tańda onda tegisteýdi qajet etetin 8 kósheniń 5-ne tıisti jumystar júrgizilgen. Atalǵan aýmaqta 532 túp arsha, 1582 túp qaraǵan taly, 1045 aılant, 3428 túp sirke aǵashy, 532 dana úıeńki egildi. Bul jumystar áli de jalǵasýda. Túrkistan qalasyndaǵy 6-shy sektorda aýdannan kelgen 45 adam jumys isteýde. Sonymen qatar, 6 arnaıy tehnıka jumysqa tartylǵan. Budan ózge, 1 sý tasıtyn kólik, 2 ekskavator, 2 júk kóligi, 1 gazel avtokóligi jumyldyrylǵan. Kóshetterdi sýarý úshin 5 uńǵyma qazý josparlanyp, búginde jumystar júrgizilýde. Barlyq kóshetterge jaz mezgilinde tamshylatyp sýarý ádisi qoldanylatyn bolady.
