Qazyǵurt aýdanynyń prokýrory aýyl turǵyndarymen kezdesti
Prokýror Qazyǵurt, Sharaphana, Altyntóbe, Qaqpaq, Shanaq jáne Sharbulaq aýyl okrýginde turatyn halyqtyń muń-muqtajyn tyńdap, ár másele jóninde quqyqtyq turǵyda túsinikteme berdi.
300-den astam adam qatysqan kezdesýge aýdan ákimdigi men aýyl okrýgi ákimdiginiń qyzmetkerleri, aýdandyq jumyspen qamtý jáne áleýmettik baǵdarlamalar, bilim, turǵyn úı-kommýnaldyq, sharýashylyq, jolaýshylar kóligi jáne avtomobıl joldary, jer qatynastary bólimderiniń basshylary, ýákiletti organdarmeń men polıtsııa bóliminiń qyzmekterleri de qatysty. Kezdesý barysynda suraqtardyń basym kópshiligi áleýmettik máselege qatysty qoıyldy. Onyń ishinde aýyz sýmen qamtý, jol jóndeý, az qamtylǵan otbasylardy áleýmettik járdemaqymen qamtamasyz etý, aýyl sharýashylǵy men turǵyn úıge jer telimderin berý máseleleri talqylandy.
Sonymen qatar, aýdan prokýrory qadaǵalaý aýmaqtaǵy qylmystylyq jaǵdaıǵa erekshe toqtalyp, quqyq qorǵaý organdary tarapynan jeke múlikke qarsy qylmystardyń, onyń ishinde mal, páter urlyǵyn azaıtýǵa baǵyttalǵan jumystar týraly atap ótti. Al, kámeletke tolmaǵandar arasyndaǵy qylmystardy boldyrmaý maqsatynda jergilikti aýyl bıleriniń qatysýymen bilim mekemelerinde kezdesý ótkizý jóninde sheshim qabyldandy.
Batyr Qorǵanbaev prokýratýra organdarynyń azamattardyń konstıtýtsııalyq quqyqtarynyń qorǵaý baǵytynda atqarylǵan jumystardy atap ótip, prokýratýrada azamattardy qabyldaý ortalyǵy ashylǵany jáne ár azamattyń aryzy tıisti túrde qaralatyny týraly habarlady.
Qaralǵan ár másele jóninde tıisti usynystar men túsiniktemeler, al prokýratýra qyzmetkerlerine naqty baqylaý júrgizý boıynsha tapsyrma berildi.
Kezdesý nátıjesinde aýdan prokýrory osy tektes sharalardyń jalǵasatynyn aıtty. Ol memlekettik organdarǵa eldi mekenderge shyǵyp, halyqpen kezdesý arqyly túsindirý jumystaryn júrgizý mańyzdy ekenin atap ótti.