Qazyǵurt aýdanynda birqatar áleýmettik nysandar ashyldy
TÚRKІSTAN. QazAqparat - Búgin Túrkistan oblysynyń ákimi Janseıit Túımebaev Qazyǵurt aýdanynyń 90 jyldyq mereıtoıyna arnaıy qatysyp, ondaǵy birqatar áleýmettik nysandardyń el ıgiligine berilýine kýá boldy, dep habarlaıdy QazAqparat oblys ákiminiń baspasóz qyzmetine silteme jasap.
Eń aldymen, óńir basshysy aýdannyń Qazyǵurt aýylyndaǵy «Bolashaq» shaǵyn aýdanynan boı kótergen 16 páterli 4 turǵyn úıdiń kiltin páter qojaıyndaryna tabystap, qýanyshtaryna ortaqtasty. 20 az qamtamasyz etilgen otbasy men jetim balalarǵa tabystalǵan úılerge bolashaqta, jalpy sany 64 otbasy kóship baryp, qonys toıyn toılaıtyn bolady.
«Mine, ózderińiz kórip turǵandaı, turǵyn úıler búgingi talapqa saı salynǵan. Sý, tabıǵı gaz júıeleri men jaryq tartylǵan. Іshi jaryq. Ǵımaraty eńseli. Keleshekte mundaı jumystar óz jalǵasyn tabatyn bolady», - dedi óńir basshysy. 
Aýdannyń 90 jyldyq torqaly toıynda salaýatty ómir saltyn ustanatyn turǵyndar úshin de bul kún qutty boldy. Dál osy shaǵyn aýdanda 210 orynǵa arnalǵan «Jeńis» dene shynyqtyrý - saýyqtyrý kesheniniń qurylysy aıaqtalyp, paıdalanýǵa berildi.
Saltanatty sharaǵa kýá bolǵan J.Túımebaev taıaýda ǵana álemdik arenalarda aýdannyń shyqqan sharaphanalyq Erjan Jomart, Abdýlla Erkebulan syndy saıypqyrandardyń topty jaryp shyqqanyn mysal etip, Qazyǵurttan olardyń jolyn qýyp, kúlli qazaqtyń namysyn qorǵaıtyn órender shyǵýyna tilektestigin bildirdi.
Munan soń, jınalǵan kópshilik osy aýyldan jańadan jumysyn bastaǵan «Óner» mektebiniń saltanatty ashylýyn tamashalady. 100 orynǵa laıyqtalǵan óner ordasynda endi Qazyǵurttyń ónerpazdary oblystyq, respýblıkalyq óner baıqaýlaryna daıyndalatyn bolady.
90 jyldyq mereke aıasynda óńir basshysy bastaǵan top aýdanda ashylǵan etnoaýylda bolyp, aýyl sharýashylyǵy ónimderi qoıylǵan kórmeni tamashalady.
