Qazyǵurt aýdanynda aýyl sharýashylyǵy mamandary men dıqandar marapattaldy
QAZYǴURT. QazAqparat – Túrkistan oblysy, Qazyǵurt aýdanynda «Altyn kúz-2019» merekesi atalyp ótti. Saltanatty jıynda aýdan ákiminiń orynbasary Serik Tursynqulov barsha aýyl sharýashylyǵy salasynyń mamandaryn quttyqtap, joǵary kórsetkishke qol jetkizgen sharýalar men aýyl ákimderin alǵys hattarmen jáne baǵaly syılyqtarmen marapattady, dep habarlaıdy QazAqparat tilshisi.
Mereke aıasynda aýdan ortalyǵynda aýyl sharýashylyǵy ónimderiniń jármeńkesi uıymdastyrylyp, ónimder arzan baǵada satyldy. Bazar baǵasynan áldeqaıda tómen saýdalanǵan ónimnen qysqy azyqtaryn alǵan turǵyndar dıqandarǵa alǵystaryn bildirdi. San salanyń úzdikteri marapattalyp, jetken jetistikteri aıtyldy. Іs-shara sońy kontserttik baǵdarlamaǵa ulasty. Ásem án tyńdaǵan kóptiń kóńili kóterilip qaldy.
Aıta keteıik, aýyl eńbekkerleri bıylǵy merekege joǵary jetistiktermen jetip otyr. Aýdanda jalpy ónim kólemi 34,8 mıllıard teńgeni qurap, jospar 106,3 paıyzǵa oryndalǵan. Óńirge 2,6 mıllıard teńge kóleminde ınvestıtsııa tartylyp, tamaq ónerkásibine 630,0 mıllıon teńge qarastyrylǵan. Astyqtyń da egis kólemi 43,0 myń gektardy qurap, ortasha túsimi 24,5 tsentnerden 105,0 myń tonnaǵa jetti. Eńbegi eselengen aýdan oblys kóleminde birinshi orynǵa shyqty.
