Qazybek Amanbaev erejesiz jekpe-jekten Álem chempıony ataǵy úshin talasady
ALMATY. Qazannyń 30-y. QazAqparat /Erlik Erjanuly/ - Qazybek Amanbaev jeltoqsan aıynda erejesiz jekpe-jekten Álem chempıony ataǵy úshin talasýy múmkin,
dep habarlaıdy QazAqparat.
"Bapkerimiz Saǵatbek Musahanov alǵashqy kezde qarashanyń 8-ine josparlaǵan bul saıys bizdiń búgingi Seýlge jasaıtyn resmı saparymyzǵa baılanysty keıinge qaldyrylyp otyr. Onda AQSh, Brazılııa, Germanııa, Japonııa, Koreıa sııaqty elderdiń erejesiz jekpe-jek qaýymdastyqtarymen kelisimshart jasaımyz. Áriptesterimiz bizben kelisse, Álem chempıony ataǵy sarapqa salynatyn halyqaralyq týrnır jeltoqsan aıynda Astana men Almaty qalalarynyń birinde ótýi múmkin", deıdi erejesiz jekpe-jekten Álemniń 3 dúrkin chempıony Ardaq Nazarov.
Almatydaǵy Qazaq qatynas joldary ýnıversıtetinde 3-shi kýrsta oqıtyn 20 jastaǵy Qazybek Áshimov "Abylaı han" kásipqoı sport klýbynda boks jáne erejesiz jekpe-jekten respýblıkaǵa eńbek sińirgen bapker Saǵatbek Musahanovtan tálim alyp júr. Ol osy ýaqytqa deıin 9 jekpe-jek ótkizip, onyń bárin óz paıdasyna sheshken. Buǵan deıin pankratıonnan Azııa chempıony atanǵan sportshy bıyl Almatydaǵy halyqaralyq týrnırde sáýir aıynda ózbekstandyq Bilimbek Shabırovty, al tamyz aıynda reseılik Sergeı ıAkovlevti tize búktirdi. Qazybek endi erejesiz jekpe-jekten mártebeli jańa beldikke ıe bolsa, Almaty oblysy Raıymbek aýdanynyń Qaqpaq aýylynan shyqqan 3-shi Álem chempıony bolmaq. Buǵan deıin mundaı joǵary ataqqa aǵaıyndy Ardaq pen Beıbit Nazarovtar qol jetkizgen bolatyn.
